प्रधानमन्त्री केपी शार्म ओली दशरथ रंगशाला पुगेका छन् । नेपाल र बंगलादेशबीचको फाइनल खेल हेर्न ओली रंगशाला पुगेका हुन् । त्रिदेशिय फुटबलको उपाधिका लागि नेपाल र बंगलादेश अहिले भिडिरहेका छन् । त्रिदेशीय फुटबल अन्तर्गत फाइनल खेलमा अहिले नेपाल र बंगलादेशले प्रतिस्पर्धा गरिरहेका छन् ।

त्रिपुरेश्वरस्थित दशरथ रंगशालमा भइरहेको खेलमा नेपालले सन्जोक राईको गोलबाट अग्रता बनाएको छ । खेलको १८ औं मिनेटमा नेपालका सन्जोक राईले डिबक्स नजिकको बल गोलमा परिणत गरेका थिए । उनले सुनिल बलले हानेको कर्नर किक बंगलादेशका खेलाडीमा लागेर फिर्ता आएको बलबाट गोल गरेका थिए ।यसअघि खेलको १३ औं मिनेटमा नेपालका त्रिदेव गरुङले डिबक्स भित्रको बल पोष्टमा हाने पनि आउट गएको थियो ।