सांसदहरुले संसदीय समितिका निर्देशन र निर्णय सरकारले कार्यान्वयन नगरेको आरोप लगाएका छन् । सिंहदरबारमा बिहीबार बसेको प्रतिनिधिसभा अन्तर्गतको अन्तरराष्ट्रिय सम्बन्ध समितिको बैठकमा सांसदहरुले सरकारले संसदीय समितिको निर्देशन लगाएत आफैले दिएको निर्देशन पनि कार्यान्वयन नगरेको आरोप लगाएका हुन् । बैठकमा सदस्यले प्राकृतिक, पुरातात्त्विक, ऐतिहासिक, सांस्कृतिक तथा धार्मिक दृष्टिले विश्वकै प्रमुख पर्यटकीय गन्तव्य नेपालको पर्यटन प्रवद्र्धनमा सशक्तरूपमा लाग्नुपर्ने बताए ।

त्यस्तै उनीहरुले उहाँहरूले पर्यटकीय क्षेत्रको विकास तथा त्यसबाट प्राप्त लाभ जनस्तरमा पु¥याउन पर्यटकीय गन्तव्यको विविधीकरण गर्नुपर्ने धारणा राखेका छन् भने केहि सांसदहरुले नयाँ पर्यटकीयस्थल र उपजको पहिचान, विकास एवं पर्यटकीय पूर्वाधारको विकास गरी पर्यटन उद्योगलाई राष्ट्रिय अर्थतन्त्रको प्रमुख आधार बनाउनुपर्ने बताए ।