बर्दियाको राजिपुरमा मान्छेखाने बाघलाई निकुञ्जले नियन्त्रणमा लिएको छ । बर्दिया राष्ट्रिय निकुञ्जबाट खटिएको बाघ नियन्त्रण टोलिले बर्दियाको गेरूवा ४ राजिपुरबाट मान्छे खाने बाघ नियन्त्रणमा लिएको राष्ट्रिय प्रकृति संरक्षण कोष बर्दिया संरक्षण कार्यकमका कार्यालय प्रमुख रविन कडरियाले जानकारी दिए ।

बर्दियामा बाघको आक्रमण बढ्न थालेपछि बाघ समात्न टोली परिचालन गरिएको थियो । गोला, खाता क्षेत्रमा ६ वटा हाती, २र २ जना पशु प्राविधिक, वन्यजन्तु एम्बुलेन्स, खोरसहितको ट्रक,संरक्षण भ्यान, परिचालन गरिएको थियो । राष्ट्रिय प्रकृति संरक्षण कोष एन्टीएनसी बर्दियाका कार्यालय प्रमुख रविन कडरियाका अनुसार विशेष टीमका साथै नेपाली सेना, वनको टोली र स्थानीयलाई पनि परिचालन गरिएको थियो । बाघको आक्रमणले साउन यता मात्र ९ जनाको ज्यान लिइ सकेको थियो । बर्दिया राष्ट्रिय निकुञ्जले बुधबार देखी अर्को सूचना जारी नभएसम्म निकुञ्ज क्षेत्रमा पैदल जंगल घुम्नसमेत निषेध गरेको थियो ।