नेकपा कम्युनिस्ट पार्टी (माओवादी केन्द्र) को केन्द्रीय कमिटीको बैठकमा प्रदेश कमिटीका नेताहरुले आफ्नो प्रदेशको अबस्थाबारे बिफ्रिङ गरेका छन् ।

पेरिसडाडामा आइतबार बसेको बैठकमा प्रदेश १ बाट सावित्री भुषाल, २ बाट विश्वनाथ साह, बागमतीबाट नारायण दाहाल, गण्डकीबाट हितराज पाण्डे, लुम्बिनीबाट ओनसरी घर्ती, कर्णालीबाट माया शर्मा र सुदूरपश्चिमबाट नेपबहादुर चौधरीले रिपोर्टिङ गरेको प्रवक्ता नारायणकाजी श्रेष्ठले जानकारी दिए । त्यस्तै बैठकमा अध्यक्ष पुष्पकमल दाहाल प्रचण्डले वर्तमान राजनीतिक स्थिति, पार्टीमाथि भएको आक्रमण, कम्युनिस्ट आन्दोलन लगायका विषयमा धारणा राखेको श्रेष्ठले बताए ।

त्यस्तै बैठकमा आफूले केन्द्रका तर्फबाट पार्टी एकता, एकताको उद्देश्य, एकतको उद्देश्यमा कसरी प्रहार भयो भन्नेलगायका विषयमा धारणा राखेकोे उनले बताए । त्यसैगरी आफ्नो पार्टीबाट सरकारमा गएका मन्त्रीलाई फिर्ता हुन दिएको निर्देशन र अर्को पार्टीमा गएकाहरु भन्ने नेताहरुलाई स्पष्टीकरण माग्ने स्थायी कमिटीको शनिबारको बैठककै निर्णयलाई पनि बैठकले सदर गरेको उनले जानकारी दिए ।

केन्द्रीय समितिमा पेश गरिएको बिभिन्न एजेण्डामाथि सोमबार पनि छलफल हुने श्रेष्ठले बताए । सोमबार केन्द्रीय सदस्यहरुले धारणा राख्ने उनले बताए ।