प्राकृतिक हिसाबले नेपाल सुन्दर पर्यटकीय क्षेत्र रहेको प्रदेस नम्बर १ का मुख्यमन्त्री शेरधन राईले वताएका छन ।सुनसरीको इटहरीमा जिल्ला होटल तथा पर्यटन व्यवसायी संघ सुनसरीको आयोजना तथा प्रिमियर कलेज इटहरीको व्यवस्थापनमा आयोजना रहेको एक दिने फुड एण्ड बेभरेज मेलाको उद्घाटन गर्दै मुख्यमन्त्री राईले हिमाल पहाड तराईका सुन्दर दृष्यहरुले पर्यटकीय क्षेत्र रहेको वताएका हुन ।

मुख्यमन्त्री राईले पहिले काठमाडौ, चितवन , पोखरालाई मात्र पर्यटकीय क्षेत्रको रुपमा प्रचारप्रसार गरिएका कारण अन्य क्षेत्रहरु ओझेलमा पर्दै आएकोमा अहिले अन्य क्षेत्रमा समेत पर्यटकीय गतिविधिहरु हुन थालेको स्मरण गरे । उनले एक सय २५ जातिका मानिसहरुको बसोबास रहेको नेपाल प्राकृतिक सुन्दरताले मात्र नभएर जातिय विधिदताले पनि पर्यटकीय क्षेत्र रहेको वताए ।

एक दिने फुड एण्ड बेभरेज मेला पर्यटन प्रवद्र्धनका लागि आयोजना गरिएको मेलाका संयोजक तथा प्रिमियर कलेज इटहरीका सञ्चालक सुनिल भुसालले जानकारी गराए । कार्यक्रम तेजबहादुर पुरीको अध्यक्षतामा भएको थियो । सो कार्यक्रममा राष्ट्यि तथा स्थानीय कलाकारहरुको प्रस्तुति समेत रहेको थियो ।