सवोच्च अदालतको फैसलापछि अब निर्वाचन आयोगले आजदेखि नेकपा एमाले र माओवादी केन्द्रलाई ब्युँताउन काम सुरु गर्ने भएको छ । सोमबार अन्तर्राष्ट्रिय नारी दिवस परेकाले आजदेखि आयोगले प्रक्रिया अघि बढाउन लागेको हो ।

२०७५ सालको जेठ ३ गते एमाले र माओवादी केन्द्र मिलेर नेकपा बनेको थियो । त्यसपछि मोरङका पूर्वएमालेका कार्यकर्ता सन्ध्या तिवारीको नेतृत्वमा आयोगमा नेकपा एमाले दर्ता छ भने गोपाल किराँतीको नेतृत्वमा माओवादी केन्द्र दर्ता भइरहेको छ । आयोगले अब उनीहरुलाई आफ्नो नाम र चुनाव चिह्न परिवर्तनका लागि पत्राचार गर्ने तयारी गरेको छ ।