उच्च हिमाली जिल्ला हुम्लामा लामो समयपछि हिमपात भएको छ । सोमबारदेखि हुम्लामा हिमपात सुरु भएको हो । उत्तरी नाम्खा गाउँपालिका सहित सिमकोट गाउँपालिकाको उच्च हिमाली क्षेत्रमा विहानै देखिको हिमपातले हिमाल सेताम्ये देखिएका छन् । पुस,माघमा सोचे जस्तो हिमपात नभएपनि फागुनको अन्तिम समयमा आएर हिमपात हुँदा चिसो बढेको छ ।

फागुनमा हिमपात हुँदा तापक्रम माइनसमा झरेको छ । हिउ परेसँगै अन्न उत्पादन राम्रो हुने भन्दै किसान भने हर्षित भएका छन । हिमपातले कोदो, फापर, सिमी लगायत कात्र्तिके बालि राम्रो हुने उनीहरुको अपेक्षा छ । हिमापातका कारण हुम्लामा हवाइ सेवा भने अबरुद्ध भएको छ ।