उपराष्ट्रपति नन्द बहादुर पुनले नेपाल सांस्कृति विविधताले धनी देश भएको बताउनुभएको छ । आइतबार मातृभाषा राष्ट्रिय कविता महोत्सव २०७७ मा सम्बोधन गर्दै उपराष्ट्रपति नन्दबहादुर पुनले नेपाल बहु सांस्कृतिक विविधताले भरिपूर्ण देश भएको बताउनुभएको हो । उहाले नेपालमा २०६८ को जनगणना अनुसार १२५ जाती र १२३ भाषा सूचीकृत भएको बताउनुभयो । उहाले सबै जाती र भाषाको उत्तीकै महत्व रहेको बताउदै सबैले आफ्नो भाषा र संस्कृति बचाउन जागरुक हुनुपर्ने बताउनुभयो ।

उपराष्ट्रपति पुनले मातृ भाषामा कलम चलाएका मानिसहरुलाई मौलिक भाषामा भइरहेको आक्रमणका बारेमा सोच्न आग्रह गर्नुभयो । उहाले आफ्नो मातृ भाषा बोल्नेमा कमि आइरहेको तर्फ संकेत गर्दै मातृ भाषामा भइरहेको आक्रमणलाई स्वीकार्न नसकिने बताउनुभयो । कार्यक्रममा विभिन्न भाषामा साहित्य प्रस्तुत गरिएका थिए ।