मोरगं । महिला सशक्तिकरण तथा क्षमता अभिवृद्धिका लागि महिलाहरुलाई विभिन्न किसिमका तालिम प्रदान गर्दै आएको मोरगंको सुन्दरहरैंचा नगरपालिका वडा नम्बर ४ले महिलाहरुका लागि ड्राइभिङ्ग तालिम सुरु गरेको छ ।
सुन्दरहरैंचा नगरपालिका वडा नम्बर ४को आयोजना तथा दुर्गा ड्राइभिङ्ग सेन्टरको प्रशिक्षणमा २० जना महिलाहरुका लागि तालिमको सुरु गरिएको हो ।
एक महिने तालिमको उद्घाटन एक औपचारिक कार्यक्रमको आयोजना गरि गरियो । सुन्दरहरैंचा वडा नम्बर ४का वडाध्यक्ष शैलेन्द्रकुमार श्रेष्ठको अध्यक्षता तथा राष्ट्रिय सभाका सदस्य रमेशजंग रायमाझीको प्रमुख आतिथ्यता रहेको थियो ।
कार्यक्रमका प्रमुख अतिथी रायमाझीले तालिम लिनका लागि मात्र नभएर व्यवहारिक रुपमा प्रयोगमा ल्याउने गरि सहभागिता जनाउन प्रशिक्षार्थीहरुलाई आग्रह गरे ।
वडाध्यक्ष शैलेन्द्रकुमार श्रेष्ठले महिलाहरुलाई ज्ञान र सिपका माध्यमबाट क्षमतावान वनाउन तालिमको आयोजना गरिएको जानकारी दिए ।
तालिम लिनका लागि आएका महिलाहरुले पनि तालिम लिएर उपलव्धी मुलक हुने विश्वास लिएर आएको वताएका छन ।