पाल्लाको पूर्वखोला गाउँपालिका ४ छेबकुनमा बालुवाको ढिस्कोले पुरिएर दुई महिलाको ज्यान गएको छ । छेबकुनको बालुवा खानिमा बालुवा खन्ने क्रममा माथिबाट खसेको ढिस्कोले पुरिएर दुई महिलाको मृत्यू भएको हो ।

शनिबार दिउँसो बालुवा खन्ने क्रममा माथिबाट बालुवाको ढिस्को खस्दा पूर्वखोला गाउँपालिका ४ बलीपोखराकी ३६ वर्षीया माया देवी सिं १३ वर्षीया पबित्रा सारुको मृत्यु भएको प्रहरीले जानकारी दिएको छ ।

जस मध्ये सारुको घटनास्थलमै र सिंको उपचारका लागि लुम्बिनी मेडिकल कलेज लैजादै गर्दा बाटोमै मृत्यु भएको जिल्ला प्रहरी कार्यालय पाल्पाले जनाएको छ । घटनाको बारेमा थप अनुसन्धान भई रहेको जिल्ला प्रहरी कार्यालय पाल्पाका सुचना अधिकारी लक्ष्मण पचभैयाले जानकारी दिए।