नेकपा एमालेका निष्कासित नेता एंव पूर्व प्रधानमन्त्री माधवकुमार नेपालले आफूहरुमाथिको निष्कासनको कारवाही औचित्यहीन,अनाधिकारिक र अर्थहीन रहेको बताएका छन् ।

उनले आज एक अपिल जारी गर्दै केपी ओली नेतृत्वको सरकारलाई बढारेर मुलुकमा कानुनी राज स्थापना गर्न आह्वान गरेका छन् । नेपालले आफुहरुमाथि कानूनी,राजनीतिक तथा सडक आन्दोलनबाट प्रतिगामी ओली सरकारलाई बढार्दै मुलुकमा कानूनको राज स्थापना गर्ने दायित्व आइपरेको उल्लेख गरेका छन् ।

नेपालले सिंगो कम्युनिस्ट आन्दोलनलाई पुनर्जागरण गरी समाजवादको अभियानमा गोलबन्द गर्ने अभिभार युगले आफूहरुलाई सुम्पेको दावी गरेका छन् । नेपालसहित ११ जना विघटित संसदका सदस्यलाई एमालेले साधारण सदस्य नरहने गरी सोमवार निष्कासन गरेको थियो ।