जनता समाजवादी पार्टीका संघीय परिषद् अध्यक्ष डा. बाबुराम भट्टराईले ओली–विद्याले संघीय लोकतान्त्रिक गणतन्त्र र संविधान खारेज गर्ने प्रपंच रचेको बताएका छन् । भट्टराईले सामाजिक सञ्जाल ट्वीटरमा लख्दै मध्यावधी चुनाव गराउने नियत नभई प्रधानमन्त्री केपी ओली र राष्ट्रपति विद्या भण्डारीले संघीय लोकतान्त्रिक गणतन्त्र र संविधान खारेज गर्ने प्रपंच रचेको बताएका हुन् ।

भित्री र बाहिरी प्रतिगामी शक्तिहरूको षडयन्त्र भएको उनले टिप्पणी गरेका छन् । गत पुस ५ बाटै अलोकतान्त्रिक र असंवैधानिक र प्रतिक्रान्तिकारी हर्कत शुरू भएको ट्वीट मार्फत उनले बताएका छन् । उनले प्रधानमन्त्री ओली र राष्ट्रपति भण्डारीको कदम विरुद्ध एकजुट भएर प्रतिवाद गर्न पनि सबैमा आह्वान गरेका छन् ।