वाग्मती प्रदेशमा खाली रहेको राष्ट्रिय सभा सदस्यका लागि भएको उपचुनावमा मतदान सम्पन्न छ । हेटौँडामा बिहान ९ देखि अपराह्न ३ बजेसम्म मतदान भएको हो । निर्वाचनमा ९७ प्रतिशत मत खसेको छ । निर्वाचनमा ३३८ मत खसेको र नौजना अनुपस्थित रहेको निर्वाचन आयोगले जनाएको छ ।

उपचुनावमा एमालेका तर्फबाट गृहमन्त्री रामबहादुर थापा, कांग्रेस र माओवादी केन्द्रको समर्थनमा खिमलाल देवकोटा तथा नेपाल मजदुर किसान पार्टीबाट कृष्णगोपाल तामाङले उम्मेदवारी दिएका छन् । एमालेले आधिकारिक रुपमा थापालाई उम्मेदवार बनाए पनि झलनाथ खनाल र माधव नेपाल पक्षले उम्मेदवारी दर्ताको बेला देवकोटालाई समर्थन गरेको थियो । मत गणना साँझ पाँच बजेपछि हुने निर्वाचन आयोगले जनाएको छ ।