मुगु जिल्लाको सोरु–८ स्थित एक विद्यालयमा अध्ययनरत ९ वर्षीया बालिकाको बलात्कार पछि हत्या भएको भन्दै दोषीलाई तत्काल पक्राउ गरि कारवाही गर्न नेविसंघ आवद्ध बिद्यार्थीहरुले काठमाडौंमा प्रदर्शन गरेका छन् ।

नेविसंघ कर्मश क्याम्पसका बिद्यार्थीहरुले मुलुकमा महिला हिंसा, बलात्कार हत्याका घटनाहरु बढ्दै गएको भन्दै दोषीलाई कडा कारवाही गर्न माग गर्दै शुक्रबार बानेश्वरमा प्रदर्शन गरेका हुन् । हत्यारा पक्रनुको सट्टा बलात्कारी र हत्याराको संरक्षण गर्न सरकार नै लागि परेकोले यस्ता घटनाले निरन्तरता पाएको बिद्यार्थीहरुको आरोप छ ।

त्यस्तै बिद्यार्थीहरुले सरकारले गरेको पेट्रोलियम पदार्थको मूल्यबृद्धि तत्काल फिर्ता लिन पनि माग गरेको छ । आफुहरुको माग पुरा नभए कडा आन्दोलन गर्ने चेतावनी उनीहरुले दिएका छन् ।