-
नेकपा माओवादी केन्द्रका स्थायी समिति सदस्य वर्षमान पुनले राज्य सत्ता र राजनीतिक दलहरु समेत जनताको निगरानीमा रहनुपर्ने आवश्यकता औल्याउनुभएको छ ।विकसित २१ सताव्दीको समाजवादी व्यवस्थाको कुरा गर्दै गर्दा यसको मर्म भनेको जनताबाट चुनिनुपर्ने नै भएको उहाले बताउनुभयो ।
२३औं सांस्कृतिक प्रतिरोध दिवस को अवसरमा माओवादी मुख्यालय पेरिसडाँडामा आयोजित ‘आजको समाजबाद र संगठनात्मक संस्कृति’ विषयक अन्तरक्रिया कार्यक्रममा पुनले चुन्ने र चुनिने खालको जनवादी अभ्यासमा जाने वित्तिकै राजनीति सुध्रिने जिकिर गर्नुभयो ।
नेता पुनले अव लेलिनकालिन र माओकालिन नभई २० औं सताव्यदीका समाजवादी क्रान्तिबाट पाठ सिकेर विकास गर्नुपर्ने पनि बताउनुभयो । फरक प्रसंगमा उहाले प्रधानमन्त्री केपी ओलीले समाजवादको बाटो छोड्न खोजेकाले समस्या भएको जिकिर गर्नुभयो ।
एक पटक नेता भएपछि सधैं नेता नहुने, एक पटक क्रान्तिबाट जन्मिएको सत्ता सधैं क्रान्तिकारी नहुने, नोकरशाही हुने खतरा रहेको बताउदै उहाले राज्य सत्तालाई जनताको निगरानीमा राख्ने कुरा यसैको मर्म अनुसार आएको बताउनुभयो ।
