नेकपा एकीकृत समाजवादीका नेता झलनाथ खनालले माओवादी केन्द्रसँग पार्र्टी एकता गर्नासाथ नेकपा एमाले सकिएको दाबी गरेका छन । शनिबार काठमाडौंमा आयोजित समाजवादी प्रेस संगठन नेपालको केन्द्रीय कमिटीको विस्तारित बैठकलाई सम्बोधन गर्दै नेता खनालले एमाले भन्ने नाम इतिहास भइसकेको र केपी ओलीको नेतृत्वको अहिलेको पार्टी एमाले नभइ उत्प्रेषणको आदेशमा जन्मिएको गुट मात्र भएको दाबी गरे ।

नेता खनालले हामीले तन्त्रमन्त्र सुनाएका, प्रशिक्षित गरेका केही साथीहरू भ्रमवश गुटमा बसेको भन्दै उनले त्यस्ता व्यक्तिहरुलाई एकीकृत समाजवादी आउन आव्हान गरे । आगामी चुनावमा दुईतिहाइ ल्याउने दाबी एमालेले गरिरहेका बेला नेता खनालले भने एमालेले दुइतिहाइ नभइ दुई, तीन सिट ल्याउने दाबी गरे ।नेता खनालले आफ्नो पार्टी एकीकृत समाजवादी नेपालको इतिहासमै छोटो समयमै राष्ट्रव्यापी बनेको दाबी पनि गरे ।