कानून न्याय तथा संसदीय ब्यबस्था मन्त्री दिलेन्द्र प्रसाद बडुले पूर्व प्रधानमन्त्री केपी ओली सरकार चलाउन असफल भएको आरोप लगाएका छन् । मन्त्री बडुले संविधानभन्दा बाहिर गएर सरकार सञ्चालन गर्दा ओली असफल भएको बताए । सामुदायिक रेडियो प्रशारक संघ (अकोराब) को १६औं वार्षिक साधारणसभा तथा सामुदायिक रेडियोहरुको राष्ट्रिय सम्मेलनको नेपालगन्जमा उद्घाटन गर्दै मन्त्री बडुले प्रधानमन्त्री हुँदा ओलीले जनताको भावना बुझ्न नसकेको, देश र जनता भन्दा बाहिर गएर सरकार चलाउन खोज्दा बाहिरिनु परेको तर्क गरे ।

मन्त्री बडुले नवीकरण शुल्क छुट, रोयल्टीमा ५० प्रतिशत छुट, विद्युत महसुलमा छुट लगायतका सहुलियत दिएर सरकारले रेडियोको विकासका लागि सहयोग गरिरहेको बताए ।