झापाको सदरमुकाम भद्रपुरस्थित चन्द्रगढीमा गुडिरहेको मालवाहक ट्रकमा अचानक आगलागी भएको छ । मेची राजमार्ग अन्तरर्गत चाराआलीबाट भद्रपुरतर्फ आउँदै गरेको ना २ ख ५८८१ नम्बरको मालवाहक ट्रकमा आगलागी हुँदा ट्रक पूर्ण रुपमा क्षतिग्रस्त भएको जिल्ला प्रहरी कार्यालय झापाले जनाएको छ ।

प्लाईका टुक्रा दाउरा लोड गरिएको ट्रकको अगाडी भागमा विद्युत् सर्ट भई आगलागी भएको प्रहरीले जनाएको छ । ट्रक चालक भने भागेर ज्यान बचाएका थिए ।कृषि विकास बैङ्क नजिकै ट्रकमा आगलागी भएपछि तत्काल भद्रपुर नगरपालिकाको दमकल घटनास्थल पुगेर आगो निभाएका थिए ।