सुनसरी । रामधुनी नगरपालिकाले आयोनित नीति तथा कार्यक्रम सम्बन्धी सरोकारवालाहरू सँग छलफल कार्यक्रम आइतबार सम्पन्न गरेको छ ।
नगरपालिकाले नागरिकको सहभागिता र पारदर्शिता अभिवृद्धि गर्ने उद्देश्यले प्रत्येक वर्ष यस्तो कार्यक्रम आयोजना गर्दै आएको छ ।
रामधुनी नगरपालिका कार्यालयद्वारा आर्थिक वर्ष २०८२ र०८३ को नीति तथा कार्यक्रमको तर्जुमा सम्बन्धमा सरोकारवालाहरूसँग छलफल गरेको हो ।
रामधुनी नगरपालिकाको सभाहलमा भएको कार्यक्रममा सहभागी सरोकारवालाहरूबाट नगरको विकास, पूर्वाधार, शिक्षा, स्वास्थ्य, कृषि, वातावरण तथा रोजगारी जस्ता विभिन्न क्षेत्रका विषयमा सुझाव तथा सल्लाह प्रस्तुत गरिएको थियो ।

नगर प्रमुख शंकरलाल चौधरीले सहभागी सबैलाई धन्यवाद दिँदै सुझावहरूलाई आगामी नीति तथा कार्यक्रममा समावेश गर्ने प्रतिबद्धता जनाएका थिए ।
रामधुनी नगरपालिकाका नगर प्रमुख शंकरलाल चौधरीको अध्यक्षतामा भएको कार्यक्रममा नगरभित्रका विभिन्न क्षेत्रका सरोकारवाला जनप्रतिनिधि, प्रमुख राजनितिक दलका प्रतिनिधि,टोल विकास सस्था, पालिकाका शाखा प्रमुखहरु ,नागरिक समाजका प्रतिनिधिहरू लगायतको उपस्थिति रहेको थियो ।