प्रधानमन्त्री शेरबहादुर देउवाले स्थानीयलाई विकासको जिम्मेवारी दिन आवश्यक रहेको बताएका छन् । शनिवार ललितपुरको भीमसेन मन्दिरको पुनर्निर्माण सम्पन्न भएको अवसरमा आयोजित कार्यक्रममा प्रधानमन्त्री देउवाले स्थानीयलाई नै विकास निर्माणको काम दिनुपर्ने बताएका हुन् । उनले विकास निर्माणको काम स्थानीय सरकारलाई दिएकाले अधिकांश काम छिटो र गुणस्तरीय ढंगबाट सम्पन्न भएको पनि बताए ।

प्रधानमन्त्री देउवाले ललितपुर महानगरपालिकामा भएको विकासको प्रशंसा समेत गरे । २०७२ सालको भूकम्पले क्षति पुर्याएको भीमसेन मन्दिरको पुनर्निर्माण स्थानीय व्याबसायी र दाताहरुको आर्थिक सहयोगमा गरिएको हो । मन्दिर झण्डै तीन सय वर्ष अघि पुनर्निर्माण भएको हो ।