सत्तासाझेदार नेकपा (एकीकृत समाजवादी)का अध्यक्ष माधवकुमार नेपालले सूर्य चिन्ह नहुँदैमा आफ्नो पार्टीलाई निर्वाचनमा कुनै पनि अप्ठ्यारो नपर्ने बताएका छन् । कलम चिन्ह लिएर राष्ट्रियसभा निर्वाचनमा विजयको सुरुवात भईसकेको उल्लेख गर्दै अध्यक्ष नेपालले सूर्य चिन्ह नहुँदैमा आगामी निर्वाचनमा कुनै अप्ठ्यारो नपर्ने दावी गरेका हुन् ।

पार्टी निकट मजदुरहरुको संगठन एकीकृत ट्रेड युनियन महासंघ, नेपालले शुक्रबार काठमाडौंमा आयोजना गरेको कार्यक्रममा अध्यक्ष नेपालले स्थानीय तहको निर्वाचनमा बाम लोकतान्त्रिक शक्तिहरुसँग मिलेर जाने विषयमा आफूले छलफल चलाई रहेको दोहो¥याए ।

केपी ओली नेतृत्वको एमालेलाई गफाडीको संज्ञा दिँदै अध्यक्ष नेपालले त्यसले सरकारमा हुँदा पनि गफबाहेक अरु केही पनि काम नगरेको आरोप लगाए ।