युक्रेनको राजधानी किभमा रुसी र सरकारी सेनाविच भिडन्त सुरु भएको छ । रुसी सैनिकहरु सहर प्रवेश गरी आक्रमण थालेको अन्र्तराष्ट्रिय सञ्चारमाध्यमले जनाएका छन । सहरको भास्सिल्किभ क्षेत्रमा भीषण युद्ध जारी रहेको युक्रेनी सुरक्षा निकायले जनाएको छ ।

किभका सडकहरुमा भिडन्त भैरहेको स्थानीयले बताएका छन । सर्वसाधारणलाई सुरक्षित स्थानमा रहन र बार्दली र झ्याल नजिक नजान सरकारले आग्रह गरेको छ । शनिबार बिहानैदेखि किभमा भिडन्त भइरहेको हो । रुसले राजधानी कब्जामा लिने उद्देश्यले आक्रमण गरिरहेको हो ।

युक्रेनका राष्ट्रपति भोलोदोमिर जेलेन्स्कीले यसअघि नै राजधानी किभमा रुसले आक्रमण गर्ने चेतावनी दिएका थिए । राष्ट्रपति जेलेन्स्कीले राजधानीमा पराजय आफूहरुका लागि निकै घातक हुने भन्दै देशबासीसँग रुस शत्रुविरुद्ध एकजुट हुन आग्रह गरेका छन् ।