नेकपा एमालेका अध्यक्ष केपी ओलीले पार्टीका २७ सांसदलाई स्पष्टीकरण सोधेका छन् । अध्यक्ष ओलीले मंगलबार माधवकुमार नेपाल समूहमा रहेका २७ प्रतिनिधिसभा सदस्यलाई स्पष्टीकरण सोधेका हुन् ।

नयाँ राजनीतिक दलको स्वरुपमा गतिविधि गरेको भन्दै उनले पठाएको पत्रमा तपाईंलाई संघीय संसदको सदस्य पदबाट किन नहटाउने ? भनेर सोधिएको छ । पत्रमा चित्तबुझ्दो जवाफसहित तीन दिनभित्र स्पष्टीकरण पेश गर्न निर्देशन दिइएको छ । पत्रमा समानान्तर गतिविधि कायम रहे जुनसुकै बेला थप कारबाही हुनसक्ने चेतावनीसमेत दिइएको छ ।

यसैबीच नेकपा एमालेका नेता माधवकुमार नेपालले आफ्नो पक्षका साँंसदहरुको बैठक बोलाएका छन् । पार्टी अध्यक्ष एवं संसदीय दलका नेता केपी ओलीले नेपालसहित २७ सांसदलाई संसद पदबाट किन नहटाउने ? भन्दै स्पष्टीकरण सोधेपछि नेपालले सांसदहरुको बैठक बोलाएका हुन् । बैठक बानेश्वरको अर्याल होटलमा बस्ने बताइएको छ ।