नेकपा (एमाले) नेपाल खनाल समूहकी बागमती प्रदेश इन्चार्ज अष्टलक्ष्मी शाक्यले पार्टी अध्यक्ष केपी शर्मा ओलीको सत्ता लिप्साका कारण गणतन्त्र समाप्त हुने स्थितिमा पुगेको टिप्पणी गरेकी छिन् । काठमाडौं जिल्ला कमिटीले आयोजना गरेको सपथ ग्रहण समारोहमा नेतृ शाक्यले पार्टी अध्यक्ष एवं प्रधानमन्त्री ओलीको सत्ता लिप्साका कारण ठूलो संघर्षपछि स्थापित गणतन्त्र सपाप्त हुने स्थितिमा पुगेको बताइन् । अध्यक्ष ओलीको दम्भका कारण अहिले देश अप्ठेरोमा परेको शाक्यको दाबी छ ।

कार्यक्रममा नेता सुरेन्द्र पाण्डेले एक वर्षभित्र अध्यक्ष ओली समाप्त भएर जाने दाबी गरे । अवसर खोज्दै हिँडनेहरु अहिले ‘आई लभ यु केपी बा’ भन्दै पछि लागेको भन्दै एक वर्षभित्रै उनीहरु समाप्त हुने बताए । नेता पाण्डेले पार्टीलाई बलियो बनाउने दृढ सङ्कल्पका साथ काम गर्न कार्यकर्ताहरुलाई निर्देशन समेत दिए ।