नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच भेटवार्ता भएको छ । मंगलबार दिउँसो बुढानिलकण्ठमा सरकारलाई दिएको समर्थन फिर्ता लिने तयारीमा रहेका माओवादी अध्यक्ष प्रचण्ड र सभापति देउवाबीच भेटवार्ता भएको हो ।

भेटमा पछिल्लो राजनीतिक घटनाक्रमबारे छलफल भएको बताइएको छ । यस्तै भेटमा प्रचण्डले मिलेर सरकार बनाउने कि नबनाउने फाइनल गर्न आग्रह गरेका छन् । देउवाले भने भोलि जनता समाजवादी पार्टी ‘जसपा’ नेताहरुसँग कुरा गर्ने र पर्सि निर्णय लिने जवाफ दिएको बताइएको छ । माओवादी केन्द्रले कांग्रेसको नेतृत्वमा सरकार गठनका लागि प्रस्ताव राख्दै आएको छ ।