नेपाली कांग्रेसका प्रमुख सचेतक बालकृष्ण खाँणले अब पार्टी लामो समयसम्म मौन बस्न नहुनेमा बताएका छन् । उनले पछिल्लो समय देश राजनीतिक रुपमा अनिर्णयको बन्दी भैरहेका बेला कांग्रेसको मौनता घातक हुने बताएका हुन् । शुक्रबार बुटवलमा आयोजित साक्षात्कार कार्यक्रममा नेता खाँणले नेपाली राजनीतिले जनतामा निराशा आउन थालेको भन्दै यसले नयाँ विस्फोट हुन सक्ने बताए ।

नेता खाँणले असंबैधानिक रुपमा प्रतिनिधिसभा विघटन गर्ने प्रधानमन्त्रीलाई एक मिनेट पनि सत्तामा रहने नैतिक अधिकार नभएको बताए । संविधान नमान्नेलाई प्रधानमन्त्री बन्ने हक छैन भन्दै उनले संविधान माथि नै प्रहार गर्ने पक्षसँग सहकार्य हुन नसक्ने पनि स्पष्ट पारे ।

नेता खाँणले संविधान स्वीकार नगर्ने व्यक्ति प्रधानमन्त्री हुनै नसक्ने भन्दै अब काँग्रेसले संविधानको रक्षा गर्न कोसँग मिलेर अगाडि बढ्ने निक्र्योल गर्नुपर्ने बताए ।