नेपाल मजदूर किसान पार्टीका अध्यक्ष नारायणमान बिजुक्छेले समाज रुपान्तरण गर्ने शिक्षा आजको आवश्यकता रहेको बताएका छन । शुक्रबार काठमाडौंको किर्तिपुरमा नेपाल क्रान्तिकारी विद्यार्थी संघको राष्ट्रिय भेलालाई सम्बोधन गर्दै उनले सवै शक्ति देश र जनतामा समर्पित भएमात्र मुलुक बलियो हुने तर्क गरेका हुन । सवै बिषयमा सरकारको मुख ताक्नु भन्दा पनि समाज रुपान्तर र देशको बिकासमा सवैले आफ्नो ठाँउबाट योगदान गर्नुपर्ने अध्यक्ष बिजुक्छेको भनाइ छ ।

अध्यक्ष विजुक्छेले अहिले देशको शत्रु कालाबजारी र भ्रष्टाचारी नै भएकाले यसलाई समाजबाट नै निर्मुल पार्नुपर्ने धारणा पनि राखे । बिजुक्छेले राजनीतिक व्यक्तित्वमा नागरिक भावनालाई प्राथमिकतामा राख्ने शक्ति हुनुपर्ने बताए ।