नेकपा एमालेका वरिष्ठ नेता झलनाथ खनाल र माधवकुमार नेपाल पक्षले युवा संघ नेपालको समानान्तर कमिटी बनाएको छ । राष्ट्रिय सभागृहमा भएको नेपाल–खनाल पक्षको युवा संघको भेलाले नरेश शाहीको नेतृत्वमा सामानन्तर समिति बनाएको हो । समितिको वरिष्ठ उपाध्यक्षमा क्रान्ति बुर्लाकोटीसहित ९ जना रहेका छन् । त्यस्तै महासचिवमा दीपक जीएम चयन भएका छन् ।

युवा संघको पदाधिकारी मात्रै ५० जनाको रहेको छ । जसमा ८ जना उपमहासचिव र २९ जना सचिव र १ जना कोषाध्यक्ष छन् । चैत ४ र ५ गते भएको नेपाल समूहको राष्ट्रिय कार्यकर्ता भेलाले २०७५ जेठ ३ गते अगाडिको संगठनलाई क्रियाशील बनाउने निर्णय गरेको थियो । नेकपा एमालेमा पछिल्लो समय विवाद उत्कर्षमा पुगेपछि दुवै समूहले छुट्टाछुटै गतिविधि गर्न थालेका छन् । नेपाल खनाल पक्षले शनिबार नै जयन्ती राईको नेतृत्वमा अखिल नेपाल महिला संघको पनि समानन्तर समिति बनाएको थियो ।