नेपाली कांग्रेसका उपसभापति बिजयकुमार गच्छादारको सुनसरी स्थीत घरमा विशेष अदालतले १५ दिन भित्र अदालतका उपस्थीत हुने सुचना टास गरेको छ ।गच्छादार लामोसमय सम्पर्कमा न आएपछि अदालतले उनको घर सुनसरी नै पुगेर सुचना टास गरेको हो ।

बालुवाटारस्थित ललितानिवास प्रकरणमा मुछिएका उनलाई १५ दिनभित्र उपस्थित हुनका लागि आदेश दिइएको थियो तर सम्पर्कमा नआएपछि सुनसरीस्थित घरमा सूचना टाँसिएको विशेष अदालत स्रोतले जानकारी दिएको छ । २३ फागुनमा उक्त प्रकरणको सुनुवाई गरी अदालतमा उपस्थित हुन आदेश दिइएको थियो।

तर उनले अदालतको पत्र नबुझेपछि घरमा टाँसेर म्याद तामेल गरिएको हो। उनीविरुद्ध अख्तियार दुरुपयोग अनुसन्धान आयोगले ९ करोड ६५ लाख ७६ हजार रुपैयाँ माग दाबी गरेको छ । भ्रष्टाचार काण्डमा मुछिएका गच्छदारको सांसद पद निलम्बन गरिएको छ। अदालतले फेला नपारेका गच्छादार भने केही महिनाअघि प्रधानमन्त्री केपी शर्मा ओलीले बोलाएको सर्वदलीय बैठकमा उपस्थित भएका थिए।