बाराको निजगढमा आज बिहान एक युवाको हत्या गर्नेलाई प्रहरीले रौतहटको चन्द्रनिगाहपुरबाट पक्राउ गरेको छ ।

आज बिहान बाराको निजगढ नगरपालिका–९ बुद्धचोकमा १९ वर्षीय रोहित शर्माको घरभित्रै हत्या भएको थियो ।

हत्यामा संलग्न रहेका रौतहटको चन्द्रपुर नगरपालिका वडा नम्बर ४ मा पान पसल गरेर बस्ने मक्करे भन्ने ३० वर्षीय अरुण कुमार साहलाई प्रहरीले आज बिहान पक्राउ गरेको हो । मृतक शर्माको हत्या गरेर उनको घरबाट साह आज बिहान सोही समयमा मोटरसाइकलमा निस्केको सिसि टिभि पुटेजमा देखिएपछि निजगढ प्रहरीले आज बिहानै चन्द्रनिगाहपुरमा पुगेर साहलाइ पफाउ गरेको हो ।

हत्यामा संलग्न साहलाई उनकै पान पसलबाट पक्राउ गरिएको र उनले हत्या आफैँले गरेको स्वीकार पनि गरेको बारा प्रहरी जनाएको छ। साहको पसलबाट हत्यामा प्रयोग भएको चक्कु, रगतले लतपतिएको कपडा र मोटरसाइकल समेत बरामद बाराका प्रहरी उपरिक्षक दिपेन्द्र शाहिले बताए । साहले शर्माको हत्या गर्नुको कारण व्यतिगत झगडा रहेको बयान साहाले दिएको प्रहरी जनाएको छ । दुबै जनाले लागूऔसतको प्रयोग गरेको प्रहरीको भनाइ रहेको छ । प्रहरीले लागूऔसतकै कारण हत्या भएको निचोड निकालेको छ ।