अत्यन्त विपन्न समुदायलाई लक्षित गरी झापाका विभिन्न स्थानीय तहमा सञ्चालन गरिएको बाँस आवास परियोजना प्रभावकारी बन्दै गएको हो । वर्षौंदेखि फुसको सामान्य घरमा जीवन निर्वाह गर्दै आएका विपन्न परिवारका लागि अन्तर्राष्ट्रिय दातृसंस्था ह्याबिट्याट फर ह्युमनिटी नेपालको आर्थिक तथा प्राविधिक सहयोग र झापाको विर्तामोडस्थित सहारा नेपाल तथा स्थानीय तहको साझेदारीमा जिल्लाका बिभिन्न स्थानीयतहमा निमार्ण गरिएका एकीकृत र् छुट्टाछुट्टै आवास परियोजना प्रभावकारी बन्दै गएका हुन् ।

ह्याबिट्याट फर ह्युमनिटी नेपालको आर्थिक तथा प्राविधिक सहयोग र सहारा नेपालको साझेदारीमा झापाका विर्तामोड, झापा,बाह्रदशी, गौरगिञ्ज लगायतका स्थानीय तहले आफ्नो समेतको लागत साझेदारीमा बाँस आवास परियोजना सञ्चालन गरिरहेका छन् । अन्तर्राष्ट्रिय दातृसंस्था ह्याबिट्याट फर ह्युमनिटी सहित सहारा नेपालले गरेको सहयोगले सोचे भन्दा बढी विपन्न समुदायलाई आवास निमार्ण गरी प्रदान गर्न सकिएको जनप्रतिनिधिको भनाई छ ।

विपन्न सीमान्तकृत सन्थाल समुदायलगायत आर्थिक रुपमा अत्यन्त कमजोर अन्य आदिवासी तथा मजदूर–श्रमिकका लागि स्थानीय तहहरुले जग्गासमेत उपलब्ध गराएका छन । परियोजनाअन्तर्ग ५ सयभन्दा बढी घर निर्माण गरी विपन्न परिवारलाई हस्तान्तरण गरिसकिएको साझेदारी संस्थाले जनाएका छन ।

बषौंंदेखि फुसको घरमा कष्टकरसंग जिवन व्यत्तित गरिरहेका हरुलाई ह्याबिट्याट फर ह्युमनिटी नेपालको आर्थिक तथा प्राविधिक सहयोग र सहारा नेपालको साझेदारीमा निमार्ण गरिएका घरहरुले उनीहरुलाई राहत त प्रदान गरेकै छ । समुन्नत समाज निमार्णकालगि पनि यस्ता आवासले ठूलो सहयोग पुग्ने निश्चित छ ।