पाल्पा दरवार संग्रहालय परिसरमा जनरल प्रताप शमशेर राणा( सानु राजा) को अर्धकतको शालिक अनावरण गरिएको छ । शालिकको लुम्विनी प्रदेशका वन वातावरण तथा उधोग पर्यटनमन्त्री लिला गिरीले अनावरण गरे ।

शालिक अनावरण कार्यक्रममा बोल्दै लुम्विनी प्रदेशका मन्त्री गिरीले भैरहवामा अन्तरराष्ट्रिय विमानस्थल संचालन भएपछी पर्यटकहरु बढ्ने भएकोले अहिले देखी नै प्रमुख पर्यटकीय गन्तव्यहरु संग लिंकअप गर्नको लागी प्रदेश सरकारले जिल्ला जिल्लामा पर्यटन पुर्वाधारको काम गर्दै आएको बताए ।

पाल्पा पर्यटकीय हिल स्टेशन रहेकोले पर्यटकिय केन्द्रको रुपमा विकास गर्न स्थानीयवासीहरु पनि सक्रिय भएर लाग्नु पर्नेमा जोड दिए । पर्यटकहरु लाई आकर्षण गर्न स्थानीयवासीहरुले अतिथी सत्कार देखी प्याकेज तथा संस्कृतीको विषयमा जोड दिनुपर्ने बताए । पाल्पा दरवार संग्रहालयका सबै कोठाहरु संग्रहालयकै रुपमा प्रयोग गरिने मन्त्री गिरीले बताए ।

कार्यक्रममा डिभिजन वन कार्यालय पाल्पाका डिभिजन प्रमुख डा. मोहन पौडेल, ईतिहासविद निर्मल श्रेष्ठले पाल्पा दरवारमा भईरहेको कामको बारेमा जानकारी गराएका थिए । पाल्पा दरवार अझै सुन्दर बनाउन कार्यालयको तर्फ अझ सक्रिय भएर काम गर्ने कार्यालय प्रमुख पौडेलले बताए ।

कार्यक्रम तानसेन नगरपालिकाका नगरप्रमुख अशोक कुमार शाहीको अध्यक्षतामा भएको कार्यक्रमको संचालन डिभिजन वन कार्यालयका सूचना अधिकारी यमलाल पोखरेलले गरेका थिए ।