डोटीको शिखर नगरपालिकामा १५ शैय्याको अस्पताल निर्माण कार्य सुरु भएको छ । अस्पताल बन्ने भएपछि उपचारका लागि अन्यत्र जानुपर्ने अवस्था अन्त्य हुने भन्दै स्थानीयहरु खुशी भएका छन् ।शिखर नगरपालिाकामा अस्पताल निर्माण हुने भए पछि स्थानीयमा खुसी छाएको छ । बर्षौ देखि उपचार गर्न टाढा जानु पर्ने बाध्यताबाट मुक्ती मिल्ने स्थानीयको भनाई छ ।

घर छेउमै आधारभुत अस्पताल निर्माण हुँदा स्वास्थ्य सेवा सुविधामा ठुलो राहत हुने भएपछि स्थानीयमा खुसी छाएको छ । अस्पताल निर्माण पछि कसैले पनि समय मै उपचार नपाएर ज्यान गुमाउनु पर्ने अवस्था नआउने भन्दै स्थानीयले आशावादी भएका छन् ।

आधारभुत अस्पतालसँगै स्वास्थ्यकर्मी र कर्मचारीका लागि आवास गृह र अन्य संरचनाका लागि पनि स्वास्थ्य मन्त्रालयसँग आह्वान गरिएको नगर प्रमुख सिताराम जोशीले बताए । नगरपालिकामा निर्माणाधिन आधारभुत अस्पतालबाट यहाँका जनतालाइ स्वास्थ्य सेवमा निकै सहज हुने उनले बताए । साथै उनले नगरभित्रका जनताले अस्पताल सञ्चालन पछि बाहिर जानु नपर्ने बताए ।

सुदूरपश्चिम प्रदेश भरी गत मंसिरमा एकै पटक ५४ वटा आधारभुत अस्पतालको शिलान्यास गरिएको थियो । घर छेउमै आधारभुत अस्पताल निर्माण हुँदा स्वास्थ्य सेवा सुविधामा ठुलो राहत हुने भएपछि स्थानीय खुसी बनेका छन् । अस्पताल १८ करोडको लगातमा निर्माण भैरहेको हो ।