-
सुन भनि पहेलो सिक्का दिएर ठगी गरेको आरोपमा इलाका प्रहरी कार्यालय इटहरीले दुई जनालाई पक्राउ गरी कानुनी कारवाही अगाडि वढाएको छ ।
सुनसरीको इटहरी १० का यज्ञविक्रम ठकुरीलाई सुनको सिक्का भनेर ८ वटा पहेलो सिक्का दिएर ४लाख रुपैया ठगी गरि फरार भएका इटहरी ९का फैजान आलम र सुनसरीकै इनरुवा नगरपालिका १०का जल्लाउदिन मियालाई पक्राउ गरिएको इलाका प्रहरी कार्यालय इटहरीले पत्रकार सम्मेलन गरि जानकारी गराएको हो ।ठगी गरी फरार भएका फैजानलाई इटहरी र जल्लाउदिनलाई इनरुवाबाट पक्राउ गरी ठगी मुद्धामा अनुसन्धान गरिरहेको इलाका प्रहरी कार्यालय इटहरीका प्रमुख प्रहरी नायव उपरिक्षक अर्जुन केसीले जानकारी दिए । त्यसै गरी इटहरीबाटै स्कुटर चोरी गरी फरार रहेका मोरगं बुढीगंगा गाउँपालिका २का खगेन्द्र काफ्ले र सोही ठाउँका अर्विन मगरलाई बुढीगंगा २बाटै पक्राउ गरी अनुसन्धान गरिरहेको प्रहरी नायव उपरिक्षक केसीले वताए ।
विभिन्न अपराधिक गतिविधिमा संलग्न रहेको आरोपमा पक्राउ परेकाहरुलाई सार्वजनिक गर्न आयोजना गरिएको पत्रकार सम्मेलनमा प्रहरी नायव उपरिक्षक केसीले एक बालिकालाई प्रलोभनमा पारी पटकपटक करणी गर्दै आएको उजुरीका आधारमा इटहरी ४का ४० वर्षिय प्रेमबहादुर निरौलालाई पक्राउ गरी जिल्ला अदालत सुनसरीबाट म्याद थप अनुमति लिएर थप अनुसन्धान गरिदै आएको समेत जानकारी गराइयो । ठगी ,चोरी तथा प्रलोभनमा पारी करणी गर्ने पाँचै जनालाई प्रहरीले सार्वजनिक समेत गरेको छ ।
सम्बन्धित शीर्षकहरु
