महिला,बालबालिका तथा ज्येष्ठ नागरिक मन्त्री जुलीकुमारी महतोले महिला हिंसा जन्य अपराधलाई जरैदेखि उखेलेर फाल्नुपर्ने बताउनुभएको छ ।

१११ आंै अन्तर्राष्ट्रिय महिला दिवसको अवसरमा शुक्रबार योनजन्य हिंसा र न्याय विषयक कार्यक्रममा महिला,बालबालिका तथा ज्येष्ठ नागरिक मन्त्री जुलीकुमारी महतोले महिला हिंसाका घटनालाई जरैदेखि उखेलेर फाल्नुपर्ने वेला आएको बताउनुभएको हो । उहाले महिला दोस्रो दर्जाको नागरिक नभई महिला र पुरुष समान भएको जिकिर गर्नुभयो । मन्त्री महतोले महिला हिँसाका घटनालाई समाजबाट सदाका लागि विदा गर्न सरकार तयार रहेको बताउनुभयो । उहाले नेपाली महिलाका लागि अमेरिकि सरकारले प्रदान गरेको पुरस्कारले झनै उत्साहित बनाएको बताउनुभयो ।

देशका विभिन्न भागमा सुनै नसकिने गरि बालिका बलातकारका घटना हुनु दुःखद भएको बताउदै मन्त्री महतोले महिला हिँसाका विरुद्ध एकभएर लाग्नु पर्ने वेला आएको तर्क गर्नुभयो । कार्यक्रममा सहभागिहरुले महिला हिँसाका घटनालाई न्यूनिकरण गर्न कानुन कार्यान्वयनमा तदारुपता देखाउनुपर्ने सुझाब दिएका थिए ।