नेपालमा थप ६ सय ३९ जनामा कोरोना संक्रमण देखिएको छ । पछिल्लो २४ घण्टामा देशभर ६ हजार ७ सय ८२ जनाको पीसीआर परीक्षण गर्दा ५ सय ४८ र २ हजार ९ सय ७४ जनाको एन्टीजेन परीक्षण गर्दा १ सय ८५ जनामा संक्रमण पुष्टि भएको स्वास्थ्य मन्त्रालयले जनाएको छ ।

यो संगै नेपालमा कोरोना संक्रमित हुनेको कूल संख्या ११ लाख १२ हजार ५ सय ३७ पुगेको छ । त्यस्तै कोरोनाका कारण पछिल्लो २४ घण्टामा थप ३ जनाको मृत्यु हुँदा १ हजार ६ सय जना संक्रमण मुक्त भएका छन् । योसँगै नेपालमा कोरोनाका कारण ११ हजार ९ सय ५ जनाको मृत्यु भएको छ भने संक्रमित भएकामध्ये ९ लाख ४४ हजार ३३७ जना कोरोना मुक्त भएका छन । हाल देशभर १८ हजार २ सय ५१ जना सक्रिय संक्रमित आइशालेशनमा रहेको मन्त्रालयले जनाएको छ ।