ठुलो परिमाणमा लागुऔषध गाँजा सहित सुरक्षाकर्मीले आइतवार रौतहटको सदरमुकाम गौरबाट एक जनालाई पक्राउ गरेको छ । जिल्ला प्रहरी कार्यालय रौतहटबाट गएको टोलीले गौर नगरपालिका वडा नम्बर ४ टिकुलिया टोलबाट साढे बारह किलो गाँजा सहित ४४ वर्षिय हरीकिशोर सहनीलाई पक्राउ गरेको हो ।

घरमा ठुलो परिमाणमा लागुऔषध लुकाई राखेको सूचनाको आधारमा गएको टोलीले सहनीको घर छेउमा रहेको गाई गोठ नजिकैको ट्वाईलेटमा बोरा भित्र राखेको साढे बारह किलो गाँजा बरामद भएको प्रहरी उपरीक्षक सिद्धिविक्रम शाहले जानकारी दिए ।