आन्तरिक तथा वाह्य पर्यटकहरुलाई आकर्षित गर्ने गरि धादिङमा रहेको भैरवी मन्दिर क्षेत्रलाई सौन्दर्यकरण गर्ने काम भईरहेको छ । धादिङको नीलकण्ठ छ सुनौलो बजारमा रहेको मन्दिरको सौन्दर्यकरणको काम तिब्र गतिमा भैरहेको हो ।

नीलकण्ठ नगरपालिका वडा नम्बर ६सुनौलो बजारमा रहेको भैरवी मन्दिरको सौन्दर्यकरणको काम धमाधम भैरहेको छ । चिताएको र भाकल पुरा हुने विश्वासले मन्दिरमा भक्तजनको भिड लाग्ने गर्दछ । भैरवीमा पुजाअर्चना गरे सोचेका कुराहरु पुरा हुने विश्वासले टाढा टाढा देखि पनि मानिसहरु पुजा गर्न पुग्ने गर्दछन ।

प्रख्यात मन्दिर भएपनि प्रचारप्रसारका अभावमा ओझेलमा पर्दै आएको भैरवी मन्दिर क्षेत्रमा आन्तरिक तथा वाह्य पर्यटकहरुलाई आकर्षित गर्ने गरी पर्यटन पुर्वाधारका कामहरु भई रहेको छ ।

आन्तरिक तथा वाह्य पर्यटकहरुलाई आकर्षित गर्न सके यो क्षेत्रको विकासमा समेत सहयोग पु¥याउन सकिने तर्फ मध्यनजर गर्दै सौन्दर्यकरणका कामहरु भई रहेको हो ।

मन्दिर क्षेत्रमा पार्क, बनभोजस्थल, बाटो, सिढी रेलिङ निर्माण काम सम्पन्न भई सकेको छ । २०७४ सालमा पुराण लगाएर संकलन भएको २ करोड ४ लाख रकमवाट पनि धार्मिक पर्यटकका लागि आवश्यक पूर्वाधार निर्माण भैरहेको छ । मन्दिरका लागि राष्ट्रिय योजना आयोगले ४ करोड क्रमागत आयोजनाको रुपमा बजेट उपलब्ध गराएको छ । राम शाहको पालामा भैरवी मन्दिरको निर्माण भएको तथा पृथ्वी नारायण शाह नुवाकोट आक्रमण गर्न जादा कोट स्थापना गरि बास बसेको र पछि गुठी प्रदान गरेको किम्वदन्ती रहेको छ ।