पूर्वपश्चिम राजमार्ग अन्तर्गत सुनसरीको कोशी गाउँपालिकामा सवारी एकआपसमा ठोक्किएपछि आगलागी हुँदा चार जनाको मृत्यु भएको छ । कोशी गाउँपालिका–१ लोकहीको खुनिया पुल नजिक ट्रक र बस ठोक्किँदा चालकसहित चार जनाको मृत्यु भएको हो । मृतक र घाइतेको परिचय खुल्न बाँकी छ ।

काकडभित्ताबाट काठमाडौँ आउँदै गरेको ना ८ ख ८४९३ नम्बरको बस र पश्चिमबाट पूर्व जाँदै गरेको ना ५ ख २९९६ नम्बरको ट्रक एकआफसमा ठोक्किँदा आगलागी भएको थियो । घटनामा दर्जनभन्दा बढी यात्रु घाइते भएका छन । सामान्यको इनरुवा र गम्भीर अवस्थाका घाइतेहरुको विराटनगरमा उपचार भैरहेको छ ।