नेकपा एमाले निकट विद्यार्थी संगठन अनेरास्ववियुले स्थानीय तहको निर्वाचन मिति यथाशीघ्र तोक्न प्रधानमन्त्री शेरबहादुर देउवाको ध्यानाकर्षण गराएको छ । बिहीबार अनेरास्ववियुकी अध्यक्ष सुजिता बराल नेतृत्वको टोलीले प्रदर्शनसहित बालुवाटार पुगेर स्थानीय तहको निर्वाचन मिति तोक्न सरकारको ध्यानाकर्षण गराएको हो ।

निर्वाचन आयोगले निर्वाचन गर्न गरेको आह्वान पत्रसमेत संलग्न गरेर अनेरास्ववियूले स्थानीय तहको निर्वाचन गर्न ध्यानाकर्षण पत्र बुझाएको हो ।आयोगले दिएको मितिमा नै निर्वाचन गरेर स्थानीय तहमा हुन सक्ने जटिलतालाई रोक्नुपर्ने अनेरास्ववियुको भनाइ छ ।