साँखु शालिनदीस्थित माधवनारायणको एक महिने व्रत गरिरहेका बर्तालुले तीर्थयात्राका क्रममा दक्षिणकाली नगरपालिकास्थित शेषनारायण मन्दिरमा पूजा गरेका छन् । बर्तालुले शेषनारायण मन्दिरमुनिको पोखरीमा स्नान गरी शेषनारायण मन्दिरमा पूजा गरेका हुन् । पूजा सकेर बर्तालुले फर्पिङ बजार परिक्रमा समेत गरेका थिए ।

एक महिने व्रतमा रहेका माधवनारायणका बर्तालुले माघ शुक्ल प्रतिपदाका दिन शेषनारायणमा स्नानसहित पूजा आराधना गर्ने परम्परा छ । माघ कृष्ण चतुर्दशीदेखि बर्तालुले तीर्थयात्रा शुरु गरेका थिए ।