सञ्‍चार तथा सूचना प्रविधिमन्त्री पार्वत गुरुङले व्यक्तिगत स्वार्थलाई संस्थाभित्र प्रयोग गर्न खोजे कारवाही गर्ने चेतावनी दिनुभएको छ ।नेपाल दुरसञ्चार राष्ट्रिय कर्मचारी संगठनको दोस्रो वार्षिकोत्सवका अवसरमा शुक्रबार काठमाडौंमा आयोजित कार्यक्रममा मन्त्री गुरुङले व्यक्तिगत स्वार्थका लागि कम्पनीलाई हानी गर्ने काम स्वीकार्य नहुने भन्दै संस्थाभित्र बसेर नीजि चलखेल गर्र्न खोजे कारवाही गर्ने चेतावनी दिनुभएको हो । उहाले टेलिकम भित्र पार्टीगत रुपमा सङ्गठन निर्माण नगर्न आग्रह पनि गर्नुभयो । मन्त्री गुरुङले टेलिकमको सञ्चालक समितिले रणनीतिक व्यवस्थापन पार्टनर ल्याउने निर्णय गरिसकेको जानकारी दिनुभयो ।

कार्यक्रममा बिभिन्न कर्मचारीलाई सम्मान तथा पुरस्कृत गरिएको थियो ।